Lajme Ballkan

Stano: Kushdo që përpiqet të vë në dyshim gjenocidin në Srebrenicë s’ka vend në BE

Zëdhënësi i Bashkimit Evropian, Peter Stano
Zëdhënësi i Bashkimit Evropian, Peter Stano

“Kushdo që përpiqet të vërë në dyshim gjenocidin në Srebrenicë nuk ka vend në Bashkimin Evropian”, ka thënë zëdhënësi i Unionit, Peter Stano.

Këto komente, Stano i ka bërë në një konferencë për media të mërkurën, duke theksuar se çdo veprim në kundërshtim me parimet dhe vlerat evropiane ndikon në procesin e anëtarësimit të një vendi të caktuar në BE.

“Gjenocidi në Srebrenicë është një fakt historik shumë fatkeq dhe tragjik. Ne e kujtojmë këtë tragjedi çdo vit para asaj dite, 11 korrikun, në formën e një deklarate të përbashkët të Përfaqësuesit të Lartë dhe Komisionerit për Zgjerimin. Çfarë përmban në atë deklaratë është qëndrimi i BE-së, të cilën e kujtojmë çdo vit se kushdo që përpiqet të vërë në dyshim këtë gjenocid, që përpiqet të glorifikojë kriminelët e luftës, nuk ka vend në BE”, potencoi Stano.

Serbia dhe Republika Srpska – entiteti serb në Bosnje e Hercegovinë – nuk e njohin gjenocidin në Srebrenicë.

/Shqip.com