Sot mblidhet Kuvendi, diskutohet për mosliberalizimin e vizave për Kosovën
Shqip
Sot gjatë ditës së premte do të mblidhet Kuvendi i Kosovës për ta vazhduar seancën e cila ka mbetur në gjysmë dje nga dita e enjte.
Në bazë të një njoftimi nga Kryesia e Kuvendit, në seancën e sotme parashihet të mbahet edhe debat parlamentar në lidhje me mosliberalizimin e vizave për Kosovën.
Krahas kësaj, do të bëhet votim i Propozim-rezolutës për adresimin e rritjes së çmimeve.
Seanca do të filloj nga ora 10:00.
Nga seanca e kaluar ka pasur që të bëhet shqyrtimi i dytë i Projektligjit për financimin e subjekteve politike, çështje kjo e cila ka mbetur që të shpaloset serish sot në Kuvend.
Kujtojmë se të enjten në Kuvend është ratifikuar marrëveshja e cila ka ndodhur në mes të Kosovës dhe Korporatës së Sfidës së Mijëvjeçarit në sektorin e energjisë.
Të gjithë deputetet e pranishëm në sallë votuan pro ratifikimit.
Po ashtu, është ratifikuar edhe marrëveshja me Komisionin Evropian për IPA III si dhe është miratuar rregullorja e re e Kuvendit./Shqip.com
