Shtrenjtohet çmimi i naftës, MINT publikon vendimin
Shqip
Ministria e Industrisë, Ndërmarrësisë dhe Tregtisë ka ndërruar çmimet e limituara të derivateve të naftës.
Sipas MINT, rritje ka pasur vetëm në Dizel, ku nga 1.85 çmimi ka ndërruar në 1.86.
“Çmimi maksimal i lejuar i produktit Dizel është: 1.86 eurocentë për litër; Çmimi maksimal i lejuar i produktit Benzinë është: 1.74 eurocentë për litër; Çmimi maksimal i lejuar i produktit Gas është: 0.78 eurocentë për litër”, thuhet në njoftimin e MINT.
Sipas njoftimit të ministrisë, çmimet e lartëcekura vlejnë për datën 28 qershor prej orës 10:00 dhe janë valide vetëm për 24 orë.
Vendimi është marrë “bazuar në nenin 5 të Udhëzimit Administrativ Nr.03/2022 Për Rregullimin e Çmimeve të Produkteve të Naftës dhe Karburanteve të Ripërtërishme dhe Masat e tjera Mbrojtëse, Ministria e Industrisë, Ndërmarrësisë dhe Tregtisë respektivisht Departamenti për Rregullimin e Tregut të Naftës, njofton ministria.
Theksojmë se çmimi i naftës në vend kishte arritur deri në 1.90 centë.
Ditë më parë, Qeveria e Kosovës ka bërë publik vendimin për përcaktimin e çmimit të derivateve.
Në nenin 4- të të këtij udhëzimi administrative thuhet se çmimi për marzhën tregtare maksimale për litër të produktit të naftës shitur me shumicë është 2 centë, kurse për litër të produktit të shitur me pakicë është 12 centë./Shqip.com
