Shpërthim në veri, s’ka të lënduar

Policia e Kosovës ka konfirmuar se pas mesnatës të së enjtes në “Lagjen e Boshnjakëve” në veri të Mitrovicës, ka pasur një shpërthim.

Zëvendësdrejtori i Policisë në veri të Mitrovicës, Veton Elshani ka thënë se dyshohet se shpërthimi ka të bëjë me granatë të dorës M75.

“Pas daljes në vend të ngjarjes së ekipit të specializuar dyshohet se kemi të bëjmë me shpërthim të granatës së dorës M75”, ka thënë Elshani.

Përveç dëmeve të vogla materiale, nuk raportohet për të lënduar.