VIDEO/ Sherr mes studentëve te Universiteti Metropolitan. Plagoset rëndë 19-vjeçari, merr 8 goditje me thikë

Një sherr i pazakontë mes studentëve ka ndodhur sot te Universiteti Metropolitan i Tiranës. Shqip.com mëson se ngjarja ka ndodhur te godina e universitetit, pranë Qytetit Studenti. Në konflikt janë përfshirë dy të rinj. Zënka ka ndodhur në ambientet e një “Fast Foot” i njohur si “Mevlani” në zonë, ku gjurmët e gjakut janë ende mbi karrigen e lokalit në pjesën e jashtme.

Njëri prej tyre ka marrë plagë me thikë në trup.

Mësohet se i plagosuri i identifikuar si Aron Demiraj është qëlluar plot 8 herë me thikë nga A.A, gjithashtu 19 vjeç.

Njoftimi i policisë:

Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve. Po punohet për sqarimin e rrethanave të ngjarjes.