Lajme

Sherr mes deputetëve: Je dele e Edi Ramës! Mos më dhuno, mos kërce!

Pas rreth 5 muajsh komisionet parlamentare iu rikthyen sot normalitetit me debatin dhe miratimin e projektligjeve.

Por edhe në mbledhjen e parë të Komisionit të Ligjeve, nuk munguan përplasjet mes deputetëve.

Asllan Dogjani ishte ai që e cilësoi Gogun “dele” të Edi Ramës dhe i kërkoi të mos merrej me punët e brendshme të opozitës.

Gogu tha se nuk po fyen njeri, ndërsa shtoi se po flet në hapësirën e tij të rregullores për të diskutuar.

Pjesë nga debati:

Tonin Gogu: Ju vini nga një aksion i mahnitshëm opozitar, për të cilin falënderoj vetëm Bardhin, i cili shkoi, ju gjeti, ju mori, ju solli dhe bëri shumë mirë që ne të debatojmë.

Xhemal Qefalia: Ka të drejtë toni.

Sula e kundërshton nga vendi.

Toni Gogu: Në fakt jo ty, ti ke të drejtë. Ti je akoma rrugë humbur.

Asllan Dogjani: Je dele e Edi Ramës ti, more vesh apo jo.

Klotilda Bushka: Ti dëgjojmë të gjithë kolegët.

Toni Gogu: Zoti Dogjani, s’të përmenda. Mund të më thuash cila ishte fyerja ime? Të lutem!

Asllan Dogjani: Mos na Fyej.

Toni Gogu: Fyerjet po i zë ti në gojë. Kujdes! Me shumë kujdes!

Asllan Dogjani: Ore vazhdo me procedurën, s’ke punë me ne.

Toni Gogu: Të lutem mos më dhuno, jam në hapësirën time rregullative për të diskutuar. Pse kërceni?! Ne ju dëgjojmë. Shumë që keni ardhur, të debatojmë.

Xhemal Qefalia: Nuk ia hiqni dot meritën Bardhit.

/Shqip.com