Së shpejti pritet të hapet Muzeu i Burgut të Prishtinës
Shqip
Burgu i Prishtinës, së shpejti shndërrohet në muze.
Ministria e Kulturës, Rinisë dhe Sportit, ka njoftuar se së shpejti pritet të hapet Muzeu i Burgut të Prishtinës.
Sipas MKRS-së, në kuadër të funksionalizimit parashihet kurimi i ekspozitës së përkohshme.
Përmes kësaj ekspozite, prezantohet hulumtimi, dokumentimi dhe materiali i arkivuar që dëshmon përjetimet e të burgosurve politik.
Në fazën e parë sipas ministrisë do të kurohet ekspozita e përkohshme, ndërsa ndërtesa do të jetë nikoqire e ngjarjeve publike.
Pastaj do të vazhdohet me shpalljen e ndërtesës aset të mbrojtur të trashëgimisë kulturore dhe projektin e restaurimit për të përmbyllur me ekspozitën e përhershme dhe planin e menaxhimit.
Vendimi për të shndërruar burgun e Prishtinës në muze është marrë në vitin 2020 nga Qeveria e Kosovës.
