Rreth një muaj para prezantimit, Google tregon si do duket Pixel 8 dhe 8 Pro (Video)

Google ka publikuar dy video ngacmuese të telefonit të ardhshëm Pixel 8 dhe Pixel 8 Pro.

Për vetëm 23 sekonda Google ka prezantuar pamjen e plotë të këtij telefoni.

Pixel 8 dhe Pixel 8 Pro do të kenë të njëjtën gjuhë dizajni si paraardhësit e tyre, me përmirësime të ndryshme të vogla aty-këtu.

Modeli Pro, për shembull, thuhet se shton një termometër infra të kuq në pjesën e pasme.

Dy modelet do të prezantohen në një ngjarje që do të mbahet më 4 tetor.

Pixel 8 vjen me kapacitet të brendshëm deri në 256gb dhe me memorie prej 12gb, kurse versioni Pro, do ketë mundësinë të blihet me kapacitet deri në 512gb dhe me memorie deri në 12gb.

Versioni Pro do ketë tri kamera; 50 MP, 48 MP dhe 64 MP, ndërsa Pixel 8 vjen me kamerat; 50 MP dhe 12 MP.