Rafuna dhe Szunyog diskutojnë për klimën e biznesit

Kryetari Rafuna priti Shefin e Zyrës së Bashkimit Evropian në Kosovë, Tomasz Szunyog për të diskutuar mbi klimën e biznesit në Kosovë.

Përmes një postimi në platformën sociale, z. Szunyog ka bërë të ditur se gjatë takimit me Rafunën ka theksuar rëndësinë e tregtisë së lirë me vendet fqinje.

 “Takova kryetarin e Odës Ekonomike të Kosovës, Lulzim Rafuna, për të diskutuar mbi klimën e biznesit në Kosovë, potencialin e rritjes dhe mbështetjen e BE-së”, ka potencuar Szunyog.

Kryetari Rafuna u shpreh mirënjohës dhe falenderues për përkrahjen e deritanishme nga Zyra e BE-së, dhe i gatshëm për projekte të reja të përbashkëta.