Publikohet lista e Përfaqësueses, rikthehet Zhegrova, nuk ftohet Paqarada

Është publikuar lista e Përfaqësues së Kosovës në futboll, për ndeshjet e muajit nëntor.

Përzgjedhësi i Dardanëve, Primozh Gliha, ka bërë disa ndryshime në skuadër, në ndeshjen e parë si trajneri i ekipit A, shkruan Shqip.com.

I rikthyer në skuadër është sulmuesi i Baselit, Edon Zhegrova, i cili kishte munguar tash e një kohë për shkak të lëndimit.

Prapa krahëve lëndimet i kanë lënë Blendi Idrizi dhe Valon Berisha, të cilët munguan në grumbullimin e fundit. Prezenca e tyre do e shtojë edhe më shumë konkurencën në repartin ofansiv.

Ndërsa, përkundër formës së lartë që Leart Paqarada, po kalon në Bundesliga 2, ai nuk ka pranuar ftesë.

Jashtë listës mbetet edhe sulmuesi, Bernard Berisha, i cili ka një kohë të gjatë që nuk po ftohet.

Dardanët më 10 nëntor e zhvillojnë miqësoren kundër Jordanisë në stadiumin “Fadil Vokrri”, kurse me 14 nëntor, e zhvillojnë ndeshjen e fundit kualifikuese për Botërorin 2022 kundër Greqisë në Athinë.

Kosova, pozicionohet në vendin e fundit në Grupin B, me vetëm katër pikë të grumbulluara, pas shtatë ndeshjeve të zhvilluara./Shqip.com