Lajme

Presidentja e Kosovës takohet me Wesley K. Clark

Vjosa Osmani dhe Wesley K. Clark

Presidentja e Kosovës, Vjosa Osmani është takuar me ish-komandantin Suprem të Forcave Aleate të NATO-s në Evropë, Wesley K. Clark.

Clark më 1999 e udhëhoqi fushatën ajrore të NATO-s kundër forcave ushtarake të regjimit të Millosheviçit.

Osmani shprehu kënaqësinë për ta mirëpritur Clark-un në Prishtinë, derisa tha se gjenerali Clark e gëzon mirënjohjen e përjetshme të popullit të Kosovës.

“Ju simbolizoni vendosmërinë e botës demokratike për t’u vënë në mbrojtje të jetëve njerëzore, të jetëve të cilat po kërcënoheshin vetëm pse i takonin një etnie tjetër”, tha presidentja Osmani.

“Nuk do të jetë asnjëherë e mjaftueshme t’ua ritheksojmë mirënjohjen tonë për atë që ju bëtë për Kosovën në momentet më të vështira të historisë së saj. Rrëfimi juaj për Kosovën duhet të vazhdojë të dëgjohet gjithandej botës”.

Gjenerali Clark gjithashtu shprehu kënaqësinë që po rikthehet në Kosovë, aty ku mikpritja dhe mirënjohja për të janë të përhershme.

“Ky vend është krijuar falë shpirtit tuaj kryengritës dhe këmbëngulësisë së qytetarëve të këtij vendi për ta fituar lirinë”, tha gjenerali Clark.

Ai e ritheksoi gatishmërinë e tij që të vazhdojë ta përkrahë Kosovën sikur edhe deri më tani. /Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.60
  • Benzine: 1.33
  • Gas: 0.75
Sot : 27/09/2022