Petkoviq: Kosova është nën presion për ta themeluar Asociacionin

Petar Petkoviq, drejtori i Zyrës për Kosovën në Qeverinë e Serbisë, vlerëson se Kosova është nën presion për ta themeluar Asociacionin e Komunave me Shumicë Serbe.

“Në Prishtina, ata nuk po mund të pajtohen me faktin që Asociacioni duhet themeluar”, ka thënë ai, duke shtuar se në Kosovë ka një situatë politike të tensionuar.

“Kur sheh se sa dhunshëm po sillen në Prishtinë, kjo tregon se sa në rrugë të drejtë jemi ne lidhur me marrëdhënien me Kosovën dhe ruajtjen e njerëzve tanë”, ka shtuar Petkoviq.

Petkoviq, në TV Happy, e ka përmendur edhe planin evropian për të cilin ai ka thënë se i kushtojnë vëmendje.

“Ne kujdesemi për çdo fjalë të plani evropian dhe Vuçiq e ka thënë se nuk e njohim pavarësinë e Kosovës as de facto as de jure dhe nuk do ta pranojmë anëtarësimin e saj në Kombet e Bashkuara”, ka thënë ai.

“Ne duhet të jemi të mençur dhe t’i mbrojmë njerëzit tanë. Kur arrini të pajtoheni për Asociacionin me të gjitha fuqitë dhe nuk e shkelni kushtetutën, është aftësi të thuhet: Këto janë vijat tona të kuqe”, ka thënë mes tjerash Petkoviq.