Pesë të lënduar nga një aksident në Prishtinë
Shqip
Një aksident që ka ndodhur në Grashticë të Prishtinës, la të lënduar pesë persona.
Aksidenti ka ndodhur të dielën rreth orës 16:00.
Lajmi për Shqip.com është konfirmuar nga zëdhënësja e Policisë së Kosovës për Rajonin e Prishtinës, Flora Ahmeti.
Ajo njoftoi se në aksident janë përfshirë dy automjete.
“Si pasojë e aksidentit pesë persona kanë pësuar lëndime trupore. Personat e lënduar janë dërguar për trajtimin e nevojshëm mjekësor në QKUK”, ka thënë Ahmeti.
Njësia rajonale e trafikut ka dalë në vendin e ngjarjes dhe ka nisur një hetim për aksidentin. /Shqip.com
