Pasuria neto e Mark Zuckerberg ka rënë 71 miliardë dollarë këtë vit

Rënia e tregut të aksioneve të vitit 2022 ka reduktuar vlerën personale të shumë miliarderëve të teknologjisë, por jo më shumë se CEO i Meta, Mark Zuckerberg.

Themeluesi i kompanisë së njohur më parë si Facebook, Zuckerberg ka parë që pasuria e tij neto të bjerë me afro 71 miliardë dollarë këtë vit, sipas llogaritjeve nga Bloomberg.

Zuckerberg, tani ka rënë nga numri 3 në listën e miliarderëve të Forbes të vitit të kaluar në vendin e 22-të sot.

Kjo për shkak të rënia marramendëse e aksioneve të Metës, e cila mban pjesën më të madhe të pasurisë së Zuckerberg.

Që kur Facebook u bë Meta gati një vit më parë, aksionet e tij kanë humbur rreth 60% të vlerës së tij, duke ulur vlerën e Zuckerberg.

Së bashku me ngadalësimin e të ardhurave, Meta raportoi rënien e saj të parë ndonjëherë në numrat e përdoruesve në shkurt. Në të njëjtën kohë, kompania ka rritur shpenzimet e saj me afërsisht 10 miliardë dollarë në vit për të ndërtuar Metaverse të realitetit virtual, një projekt që Zuckerberg ka sinjalizuar se mund të marrë shumë vite.