Osmani: Gjashtë mijë shqiptarëve në Serbi iu mohua e drejta për të votuar

Gjashtë mijë shqiptarëve në Serbi i është mohuar e drejta e tyre e votës.

Kështu ka bërë të ditur, Presidentja e Kosovës, Vjosa Osmani, ku ka thënë se kjo ka ndodh për shkak të fushatës së qëllimshme pasivizuese të Serbisë.

“Sipas raportimeve, 6000 shqiptarëve në Serbi iu mohua e drejta e tyre themelore për të votuar për shkak të fushatës së qëllimshme pasivizuese të Serbisë për spastrim etnik përmes mjeteve administrative. Komuniteti ndërkombëtar duhet të dënojë fytyrën e vërtetë të autoritarizmit të Serbisë”, ka shkruar Osmani.

According to reports, 6,000 Albanians in Serbia were denied their fundamental right to vote because of Serbia’s deliberate passivization campaign to ethnically cleanse through administrative means.

The intl’ community must condemn the true face of Serbia’s authoritarianism.

— Vjosa Osmani (@VjosaOsmaniPRKS) April 3, 2022

Në Serbi gjatë ditës së diele janë mbajtur zgjedhjet presidenciale, zgjedhjet e parakohshme parlamentare dhe zgjedhjet lokale në Beograd. Janë rreth 6 milionë e gjysmë të serbëve që do të kenë mundësi të votojnë.

Në këto zgjedhje të Serbisë, shqiptarët e Preshevës, Medvegjës dhe Bujanocit garojnë me dy lista dhe pretendojnë të kenë tre deri në katër deputetë.

Serbët nga Kosova kanë votuar në Tutin, Rashkë, Kurshumli e Vranjë.