Një muaj paraburgim për të dyshuarin e vrasjes në Podujevë

Prokuroria Themelore në Prishtinë ka kërkuar caktimin e masës së paraburgimit ndaj të dyshuarit për përfshirje në vrasjen që ndodhi të hënën e 11 shtatorit në Podujevë.

Teksa i dyshuari tjetër për këtë rast është ende në arrati.

Këtë e ka konfirmuar për mediat prokurori i rastit, Ilaz Beqiri.

“Është bërë kërkesa për caktimin e masës së paraburgimit ndaj njërit të dyshuar për vrasjen e ndodhur në Podujevë nën dyshimin për veprën penale “Vrasje e rëndë në bashkëkryerje”, ka thënë Beqiri.

Për arrestimin e të dyshuarit e ka konfirmuar zëdhënësja e Prokurorisë Themelore në Prishtinë, Laureta Ulaj.

Një ngjarje e trishtë ka ndodhur të hënën, më 11 shtator, në qytetin e Podujevës, ku një person është vrarë, ndërsa gruaja e tij është plagosur.

Rastin tragjik e ka konfirmuar edhe Policia e Kosovës, gjersa motivet e rastit ende nuk dihen.