Një ditë pas protestës, shkruhet grafiti ‘vdekje shqiptarëve’

Grafiti “vdekje shqiptarëve” është shkruar në oborrin e shtëpisë së shëndetit në Bujanoc.

Për këtë ka njoftuar kryetari i Këshillit Kombëtar Shqiptar në Luginë të Preshevës Nevzad Lutfiu.

“Në oborrin e Shtëpisë së shëndetit në Bujanoc gjatë ditës së sotme, qytetarët e kanë parë këtë grafit ‘vdekje shqiptarëve’”, ka shkruar Lutfiu në Facebook, ku ka bashkangjitur edhe një fotografi të grafitit.

Ai ka ftuar organet e rendit që ta zbulojnë autorin dhe të marrin masa.