Nën kërcënimin e armës grabitet një pikë karburanti në Lipjan
Publikuar:
(06.09.2022 12:46:43)
Policia e Kosovës ka bërë të ditur se dje ka ndodhur një grabitje në një pikë të karburantit në Lipjan.
Personi i dyshuar ka grabitur 1000 euro nën kërcënimin e armës.
“Fshati Rusinoc, Lipjan 05.09.2022 – 23:48. Ankuesi mashkull kosovar përderisa ishte në objektin e vendit të punës në pompë të derivateve, i ka hyrë një person i maskuar dhe nën kërcënimin e armës ka grabitur rreth 1000 euro.”, shkruhet në komunikatën e tyre.
Sipas Policisë, i dyshuari me armë zjarri kishte shtënë një herë në drejtim të tavanit.
Në vendin e ngjarjes është gjetur dhe është konfiskuar një gëzhojë.
Ndërkaq, sot është arrestuar një person për grabitjen e një pompë benzine gjatë muajit gusht./Shqip.com