NATO: Kërkojmë nga palet që ta zbatojnë me shpejtësi marrëveshjen e Ohrit

Zëdhënësja e NATO-s, Oana Lungescu ka thënë se ata po kërkojnë nga Prishtina dhe Beogradi që të zbatojnë me shpejtësi atë se çfarë është rënë dakord në Ohër të Maqedonisë së Veriut.

Përmes një postimi në Twitter, Lungescu ka thënë se NATO e mirëpret marrëveshjen e arritur.

“NATO e mirëpret marrëveshjen në mes Aleksander Vuçiqit dhe Albin Kurtit në dialogun e lehtësuar nga Bashkimi Evropian në rrugën për normalizimin e marrëdhënieve në mes Beogradit dhe Prishtinës. Ne u kërkojmë të dyve të zbatojnë me shpejtësi dhe në tërësi atë që është rënë dakord.

Tutje, Lungescu tha se ata janë të vendosur që nëpërmjet NATO-s dhe KFOR-it ta ruajnë stabilitetin në Ballkanin Perëndimor.