Moti sot me diell dhe vranësira

Sot do të mbajë mot me diell dhe vranësira të pakta, kryesisht përgjatë relievit malor.

Sipas Institutit Hidrometeorologjik të Kosovës, temperaturat minimale do të lëvizin 8-12 gradë celsius, ndërsa maksimalet e ditës parashihen të lëvizin ndërmjet 27-29 gradë celsius.

Indeksi UV do të jetë në vlerat e rrezikut, prandaj këshillohet që nga ora 10-17 të kufizohemi nga rrezet direkt të diellit, sidomos shtresa e popullatës me probleme kronike.

Poashtu, sipas njoftimit, do të fryjë erë e lehtë deri mesatare nga drejtimi i verilindjes./Shqip.com