Ministri i ri i Financave: Janë hapur 13 mijë vende të reja pune në Shqipëri

Ministri i ri i Financave, Petrit Malaj, ka bërë deklaratën e tij të parë për mediat pas marrjes së këtij posti.

Në konferencën e organizuar, ministri Malaj foli lidhur me borxhin publik duke theksuar se pritet të zbresë në 58.2% brenda këtij viti.

Po ashtu, ai theksoi se janë 13 mijë vende të reja pune, ndërsa është shtuar edhe numri i bizneseve.

“Kemi mbi 7 mijë biznese me shumë se vjet. 13 mijë vende të reja pune me shumë se në 7 muajit e vitit të kaluar”, tha ai.

Në të njëjtën kohë, ministri i Financave deklaroi se janë 8900 persona më shumë në skemën e sigurimeve shoqërore dhe shëndetësore.