Messi mbrëmë theu edhe një rekord
Shqip
Mbrëmë Argjentina shënoi fitore të rëndësishme në Kupën e Botës “Katar 2022”.
Të përzgjedhurit e Lionel Scalonit fituan kundër Meksikës, në ndeshjen e dytë në Grupin C.
Ndeshja e zhvilluar në “Lusail Iconic Stadium” përfundoi me rezultatin 2:0.
Lionel Messi udhëhoqi “Albicelestet” drejt fitores, pasi shënoi golin e parë dhe asistoi te goli i dytë i shënuar Enzo Fernandez.
Shtatë herë fituesi i “Topit të Artë” shënoi edhe një rekord në Kupën e Botës.
Përveçse ishte lojtari më i ri në moshë që ka shënuar dhe asistuar në një ndeshje të këtij turneu, Messi u bë edhe lojtar më i vjetër që shënon dhe asiston në një ndeshje.
Si 18-vjeçar e 357 ditë, sulmuesi argjentinas kishte shënuar e asistuar kundër Serbisë, në Kupën e Botës të vitit 2006.
Kurse, mbrëmë, Messi e regjistroi rekordin si 35-vjeçar e 155 ditë.
/Shqip.com
