Mbreti saudit befason me këtë vendim pas fitores ndaj Argjentinës

Fitorja e Arabisë Saudite ndaj Argjentinës është pasuar me një befasi tjetër.

Mbreti i Arabisë Saudite, Salman bin Abdulaziz, ka urdhëruar që nesër, 23 nëntor, të jetë festë për të gjithë punonjësit e sektorit publik dhe privat dhe studentët në të gjitha nivelet e arsimit.

E gjithë kjo me rastin e fitores së tyre mahnitëse (2:1) ndaj Argjentinës në Kupën e Botës, njofton SPA, agjencia zyrtare e lajmeve e Arabisë Saudite.

Kujtojmë, futbollistët e Arabisë Saudite tronditën Argjentinën në xhiron e parë të Grupit C të Kupës së Botës në Katar. Kombëtarja aziatike fitoi 2:1 dhe kështu arriti fitoren më të madhe në historinë e saj.