Mbretëria e Bashkuar: Rusia po bombardon qytete për të thyer moralin ukrainas
Shqip
Bombardimi i Rusisë ndaj zonave të populluara në Ukrainë është një përpjekje për të thyer moralin e ukrainasve, thotë ministria e mbrojtjes së Mbretërisë së Bashkuar.
Në raportin e saj të përditshëm të inteligjencës, Ministria e Mbrojtjes thotë se forca e rezistencës së Ukrainës vazhdon të befasojë Rusinë, e cila është përgjigjur duke sulmuar qytete përfshirë Kharkiv, Chernihiv dhe Mariupol, raporton BBC.
Ministria krahason strategjinë e Rusisë me fushatat e saj në Siri në vitin 2016 dhe Çeçeni në vitin 1999, kur ushtria ruse kreu bombardime intensive të zonave të ndërtuara.
Raporti thotë gjithashtu se përparimi i Rusisë është ngadalësuar nga sulmimi i linjave të furnizimit nga Ukraina./Shqip.com
