Zelensky: Të paktën 103 fëmijë janë vrarë në Ukrainë deri më tani
Shqip
Të paktën 103 fëmijë janë vrarë në Ukrainë që nga fillimi i pushtimit rus, tha presidenti ukrainas Volodymyr Zelensky në një video-mesazh.
Zelensky tha në video: “Mbrëmë, trupat ruse vazhduan të bombardojnë territorin ukrainas, qytetet tona paqësore, qytetarët tanë. Kharkiv dhe rajoni … Ata bombarduan bregdetin e rajonit Odesa. Ata qëlluan me raketa në Kiev. Goditi infrastrukturën civile të Zaporizhzhia.”
Ai shtoi, “Që nga mëngjesi i sotëm, 103 fëmijë janë vrarë”, shkruan CNN.
Mariupol është një nga qytetet më të goditura në Ukrainë
Zelensky tha se trupat ruse kanë shkaktuar “qindra herë më shumë dëme” në Ukrainë sesa në Donbas në tetë vjet luftë. Presidenti ukrainas vazhdoi duke thënë se gjithsej 400 institucione arsimore janë shkatërruar në Ukrainë deri më sot, me 119 në rajonin e Donetsk.
Zelensky tha gjithashtu se ai foli me Prokurorin e Gjykatës Ndërkombëtare Penale dhe se Prokuroria e Ukrainës dhe agjencitë e zbatimit të ligjit tashmë kanë filluar të punojnë për të “sjellur pushtuesit para drejtësisë”.
“Pushtuesit do të jenë përgjegjës për të gjitha krimet e luftës kundër ukrainasve,” përfundoi presidenti i Ukrainës, Volodymyr Zelenski./
