Vritet edhe një gazetar gjatë raportimit në Ukrainë
Shqip
Një gazetar francez është qëlluar dhe vrarë në Ukrainë, gjatë raportimit për ngjarjet e fundit.
Lajmin e ka bërë të ditur presidenti francez Emmanuel Macron, në rrjetin social Twitter.
Ai tha se gazetari, Frederic Leclerc-Imhoff ishte në Ukrainë për të treguar për realitetin e luftës.
Tutje, ai tha se në bordin e një autobusi humanitar, së bashku me civilët e detyruar të iknin për t’i shpëtuar bombave ruse, ai u qëllua për vdekje.
“Unë ndaj dhimbjen e familjes, miqve dhe kolegëve të Frederic Leclerc-Imhoff, të cilëve u shpreh ngushëllimet e mia. Për ata që kryejnë misionin e vështirë të dhënies së informacionit në teatrot e operacionit, dua të ritheksoj mbështetjen e pakushtëzuar të Francës”, shkroi Macron.
Journaliste, Frédéric Leclerc-Imhoff était en Ukraine pour montrer la réalité de la guerre. À bord d’un bus humanitaire, aux côtés de civils contraints de fuir pour échapper aux bombes russes, il a été mortellement touché.
— Emmanuel Macron (@EmmanuelMacron) May 30, 2022
Gazetari ishte 38 vjeç, dhe kishte punuar për BFM për gjashtë vjet.
Kujtojmë që lufta në Ukrainë ndodhet në ditën e 96-të, e bombardimet ruse vazhdojnë ende.
