Ukraina pretendon se janë vrarë më shumë se pesë mijë ushtarë rusë

Ministria e Mbrojtjes e Kievit pretendon se më shumë se pesë mijë ushtarë rusë janë vrarë në katër ditët e para të luftimeve në Ukrainë.

Në një deklaratë të postuar në Facebook, zyrtarët ukrainas thanë se rreth 5,300 trupa ruse janë vrarë dhe pretenduan se 191 tanke, 29 avionë luftarakë, 29 helikopterë dhe 816 transportues të personelit të blinduar janë shkatërruar nga forcat e Ukrainës.

BBC thotë se – nuk ka qenë në gjendje t’i verifikojë në mënyrë të pavarur këto pretendime, megjithëse Ministria e Mbrojtjes e Mbretërisë së Bashkuar beson se Rusia ka marrë viktima “të rënda” në fazat fillestare të konfliktit.

Pretendimet pasojnë pranimet nga ministria ruse e mbrojtjes të dielën se forcat e saj kanë pësuar humbje, megjithëse zyrtarët nuk dhanë një shifër të saktë.

Ndërkohë, vëzhguesit e OKB-së thanë se kishin konfirmuar të paktën 94 vdekje të civilëve gjatë ditëve të para të luftimeve. Ata thanë thanë se pushtimi kishte shkaktuar “pasoja të rënda humanitare” dhe se viktimat mund të jenë dukshëm më të larta.