Ukraina do të hetojë sulmin në një ndërtesë banimi në Odesa

Zyra e Prokurorit Rajonal të Odesës ka nisur një hetim për një sulm me raketa në një ndërtesë banimi në qytet.

Autoritetet lokale kishin thënë më herët se raketat goditën një objekt ushtarak dhe dy ndërtesa banimi të shtunën, shkruan BBC.

“Shpërthimet e predhave të armikut shkatërruan ambientet e banimit midis katit 2 dhe 5 dhe bllokuan daljet, duke lënë njerëzit të bllokuar”, thuhet në një deklaratë të prokurorisë.

Ministria ruse e Mbrojtjes konfirmoi të shtunën se kishte kryer sulme në Odesa, por pretendoi se Forcat Hapësinore Ruse kishin sulmuar një terminal logjistik “ku ishte ruajtur një grumbull i madh armësh të huaja të marra nga Shtetet e Bashkuara dhe vendet evropiane”.

Në total, shtatë raketa u lëshuan në Odesa, dy prej të cilave u rrëzuan, tha Presidenti i Ukrainës Zelensky të shtunën në mbrëmje.

Të paktën tetë persona, duke përfshirë një foshnjë, vdiqën në sulme./Shqip.com