Shpërthime në Kiev dhe Lviv
Shqip
Shpërthime kanë goditur dy qytete të Ukrainës, në kryeqytetin Kiev dhe qytetin e Lviv.
Krye bashkiaku i Kievit, Vitali Klitschko, tha se shpërthimet goditën lagjen Darnytskyi në periferi të qytetit.
Ai shtoi se numri i viktimave nuk dihej dhe se ekipet e shpëtimit ndodheshin në vendngjarje, shkruan BBC.
Përveç në Kiev, shpërthime janë dëgjuar edhe në qytetin e Lvivit, në Ukrainën perëndimore.
Guvernatori, Maksym Kozytskyi, tha se një sulm ajror kishte ndodhur midis orës 05:46 dhe 07:02 me kohën lokale.
Ai tha se mbrojtja ajrore e Ukrainës po funksiononte, por nuk dha informacion të mëtejshëm se çfarë u godit dhe nëse kishte viktima.
Forcat ruse sulmuan qytetin edhe në fund të marsit, duke goditur objektiva industriale dhe duke plagosur të paktën pesë persona./Shqip.com
