“Shell” nuk u shet naftë rusëve – shkaku i luftës në Ukrainë

Shitjet e karburantit janë pezulluar në qindra pika në Rusi – që i përkasin gjigantit të naftës Shell.

Më herët, kompania tha se po tërhiqej nga Rusia për shkak të luftës së saj kundër Ukrainës.

Në pompat e Shell në Rusi janë shfaqur njoftime që nuk shesin karburant nga 15 maji, raporton agjencia e lajmeve BBC.

“Shell” po i shet të gjitha 411 pompat e saj të benzinës në Rusi, prodhuesit të dytë më të madh të naftës në vend, “Lukoil”.

“Të gjitha furnizimet me karburant janë pezulluar në stacionet e mbuluara nga marrëveshja me Lukoil, ndërsa dyqanet dhe kafenetë mbeten të hapura për momentin,” citoi Interfax të thoshte një përfaqësues i Shell.

Përndryshe, lufta në Ukrainë që filloi më 24 shkurt të këtij viti, bëri që shumë marka të njohura të largohen tërësisht nga tregu rus. /Shqip.com