Rusia sulmon 40 qytete në rajonet Donbas dhe Luhansk

Forcat ruse kanë sulmuar më shumë se 40 qytete në rajonet lindore Donbas dhe Luhansk, bëri me dije ushtria e Ukrainës.

“Okupatorët qëlluan në më shumë se 40 qytete në rajonin Donetsk dhe Luhansk, duke shkatërruar ose dëmtuar 47 vende civile, duke përfshirë 38 shtëpi dhe një shkollë. Si rezultat i këtij bombardimi pesë civilë vdiqën dhe 12 u plagosën,” tha Task Forca e Përbashkët e Ukrainës në Facebook, raporton BBC.

Rusia ka dërguar mijëra trupa në rajon, duke sulmuar nga tre anët në një përpjekje për të rrethuar forcat ukrainase që qëndrojnë në qytetet Severodonetsk dhe Lysychansk. Rënia e tyre do ta linte të gjithë provincën Luhansk nën kontrollin rus, që është synim kryesor i luftës së Kremlinit.

Të dielën, Guvernatori i Luhanskut, Serhiy Gaidai, kishte akuzuar Rusinë për miratimin e një “qasjeje të tokës së djegur” në përpjekjet e saj për të kapur Severodonetsk-un.

Gaidai paralajmëroi se forcat ruse kanë shkatërruar të gjitha, përveç një ure mbi lumin Donetsk dhe tha se qyteti është në rrezik të kolapsit.

Ndërsa, muajin e kaluar Rusia ka trajnuar fokusin e saj në marrjen e kontrollit të plotë të rajonit të Donbasit.

Lufta në Ukrainë është në ditën e 92-të të saj, që prej se folloi më 24 shkurt të këtij viti./Shqip.com