Rifillon furnizimi me energji elektrike në centralin bërthamor të Çernobilit
Shqip
Kompania Kombëtare e Energjisë e Ukrainës (NEC) Ukrenergo përfundoi punën e riparimit dhe rifilloi furnizimin me energji elektrike për NPP-në e Çernobilit, njoftoi kompania të dielën.
“Specialistët ukrainas të NEC “Ukrenergo” përfunduan punimet e riparimit në linjën 330 kV… dhe rifilluan furnizimin me energji elektrike për NPP-në e Çernobilit dhe qytetin e Slavutych”, postoi Ukrenergo në kanalin e saj Telegram.
Sistemi elektrik i termocentralit bërthamor të Çernobilit u dëmtua gjatë një sulmi rus më 9 mars. Pas sulmit, centrali ishte i varur nga gjeneratorët e jashtëm me naftë për të mbajtur reaktorët e tij në funksion, tha Agjencia Ndërkombëtare e Energjisë Atomike (IAEA), raporton CNN.
Zyrtarët rusë kanë mbërritur gjithashtu në termocentralin më të madh bërthamor të Ukrainës , duke kërkuar të marrin kontrollin e objektit, sipas një deklarate nga Energoatom, kompania shtetërore e energjisë bërthamore e Ukrainës.
