OSBE do t’i japë fund misionit të saj në Ukrainë
Shqip
Organizata për Siguri dhe Bashkëpunim në Evropë, OSBE, e cila ka mbajtur një mision vëzhgues dhe monitorues në Ukrainën lindore për vite me radhë, njoftoi dje se do t’i duhet t’i jepte fund vendosjes afatgjatë.
Moska – një nga anëtarët e grupit – vuri veton ndaj një zgjatjeje të misionit.
“Ky nuk është një vendim i lehtë për t’u marrë… por pozicioni i Federatës Ruse nuk na la zgjidhje tjetër veçse të ndërmarrim hapa për mbylljen e misionit,” tha kryetari i OSBE-së dhe ministri i jashtëm i Polonisë Zbignieë Rau, raporton “BBC”.
“Misioni luajti një rol vendimtar në ofrimin e informacionit objektiv në terren, duke lehtësuar armëpushimet dhe duke punuar për të lehtësuar efektet e konfliktit mbi popullatën civile”.
Misioni Special i Monitorimit i OSBE-së në Ukrainë ishte vendosur që nga viti 2014 kur shpërtheu konflikti për herë të parë midis trupave ukrainase dhe rebelëve të mbështetur nga Rusia.
OSBE-ja ishte e vetmja organizatë ndërkombëtare që ndoqi drejtpërdrejt konfliktin.
Përndryshe, lufta në Ukrainë është në ditën e 65-të e luftës, që prej se nisi më 24 shkurt të këtij viti.
