Mbretëria e Bashkuar thotë se ka lëshuar 25,500 viza për ukrainasit që ikin nga lufta

Qeveria britanike tha të mërkurën se ka lëshuar 25,500 viza për refugjatët ukrainas që ikin nga lufta.  

“Nga 25,500 vizat e lëshuara që nga e marta, 22,800 iu dhanë aplikantëve sipas skemës së familjes së Ukrainës” – tha Zyra e Brendshme. 

Programi i vizave u lejon refugjatëve ukrainas të aplikojnë për t’u bashkuar ose për të shoqëruar një anëtar të familjes me bazë në Mbretërinë e Bashkuar dhe nëse i jepet viza, të jetojnë, punojnë dhe studiojnë në MB dhe të kenë akses në fondet publike. 

“Rreth 2,700 viza janë lëshuar përmes Skemës së Sponsorizimit të Ukrainës, e njohur gjithashtu si programi “Shtëpi për Ukrainën”, pavarësisht se janë bërë 28,300 aplikime. Më shumë se 200,000 njerëz në Mbretërinë e Bashkuar kanë ofruar të presin refugjatë ukrainas në shtëpitë e tyre sipas skemës që filloi më 18 mars”, tha një zëdhënës i Departamentit për Nivelimin, Strehimin dhe Komunitetet për CNN të mërkurën. 

Në të dyja skemat e vizave, Home Office ka marrë gjithsej 59,500 aplikime, nga të cilat më pak se gjysma janë miratuar. 

Në fillim të këtij muaji, qeveria e Mbretërisë së Bashkuar u kritikua për reagimin e saj ndaj refugjatëve ukrainas, me Skemën e saj Familjare që u përshkrua si komplekse dhe e gjatë nga njerëzit që lundrojnë në sistem.