Ilir Shaqiri reagon me këngë pas dënimit të Gucatit e Haradinajt nga Gjykata Speciale
Shqip
Trupi gjykues i Gjykatës Speciale e ka shpallur fajtor dhe e ka dënuar me katër vite e gjysmë burgim dhe gjobë prej 100 eurosh Hysni Gucatin dhe Nasim Hardinaj.
Në lidhje për këtë ka reaguar edhe këngëtari, Ilir Shaqiri në një postim në Facebook ku ka shpërndarë një këngë të tij.
Ai ka shpërndarë këngën ‘Emblema e Lirisë” e cila i dedikohet Ushtrisë Çlirimtare të Kosovës, kurse në mbishkrim e këngës ai i ka shkruar disa nga vargjet e saj.
“Kush hedh baltë mbi këto shkronja t’arta, harron së dielli s’mundet me u përlye, kush shfryn aq zellshëm mbi këto shenja t’shenjta dro i shembet qielli përmbi krye”
Ndryshe, Hysni Gucati së bashku me Nasim Haradinaj, u akuzuan për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës./Shqip.com
