Guterres: Duhet të fillojnë hetimet
Sekretari i Përgjithshëm i Kombeve të Bashkuara, António Guterres, ka vizituar vendet përreth kryeqytetit të Ukrainës që ishin të pushtuara nga trupat ruse.
Ndalesa e parë ishte Borodyanka, në veriperëndim të Kievit, ku dëmet nga sulmet ajrore dhe granatimet janë befasuese, shkruan BBC.
Gjatë vizitës në Bucha, ai tha se është e rëndësishme fillimi i hetimeve.
“Këtu, ju ndjeni se sa e rëndësishme është për një hetim të plotë dhe llogaridhënie. Unë e mbështes plotësisht gjykatën penale ndërkombëtare dhe i bëj thirrje federatës ruse që të pranojë të bashkëpunojë me Gjykata Ndërkombëtare Penale. Por kur flasim për krimet e luftës, nuk mund të harrojmë se krimi më i keq është vetë lufta.”
Të martën, Guterres udhëtoi për në Moskë për një takim kokë më kokë me presidentin rus Vladimir Putin për të diskutuar “propozimet për ndihmë humanitare dhe evakuimin e civilëve” nga zonat e konfliktit, përkatësisht qyteti i rrethuar i Mariupolit.
Si rezultat, Putin ra dakord për të lejuar OKB-në dhe Komitetin Ndërkombëtar për Kryqin e Kuq që të ndihmonin në evakuimin e qytetarëve nga uzina Azovstal në Mariupol, bastioni i fundit i mbrojtjes ukrainase në qytet.
Kremlini ka mohuar çdo përfshirje në vrasjet masive të civilëve në Ukrainë, ndërsa përsëriti pretendimet e pabaza se imazhet e trupave në rrugët e Bucha janë “të rreme”./Shqip.com