Britania e Madhe: Putin mund të fillojë Luftën e Tretë Botërore nga 9 maji
Shqip
Vladimir Putin mund të shpallë një luftë të re botërore brenda disa ditësh, ka paralajmëruar Sekretari i Mbrojtjes i Britanisë.
Paralajmërimi vjen pasi Rusia pretendoi se pushtimi i Ukrainës ka të ngjarë të përfundojë në një luftë botërore bërthamore, raporton “The Sun“.
Sekretari i Mbrojtjes, Ben Wallace ka paralajmëruar se tirani rus mund të përdorë festimet tradicionale të Ditës së Fitores më 9 maj, të cilat përkujtojnë fundin e Luftës së Dytë Botërore, për të thirrur trupat për një “luftë me nazistët e botës”.
Ai tha gjithashtu se pushtimi i Ukrainës nga Rusia rrezikonte të shndërrohej në “një lloj rritjeje kanceroze” që duhet të ndërpritet.
Kjo vjen pasi redaktori i transmetuesit shtetëror RT, Margarita Simonyan tha në një transmetim se ishte “më e mundshme” që Presidenti rus të niste një sulm bërthamor sesa të lejonte Rusinë të humbiste luftën.
Dhe ndërkohë, Putin parakaloi fuqinë e tij ushtarake nëpër Moskë dhe Shën Petersburg në një provë për Ditën e Fitores.
Ai po ashtu paralajmëroi para disa javësh se Rusia do të përdorë armët e saj kundër kujtdo që “ka ndërmend të ndërhyjë”.
Përndryshe, lufta në Ukrainë është në ditën e 65-të të saj, që prej se filloi më 24 shkurt të këtij viti.
