Britania e Madhe do të përpiqet të bllokojë Rusinë nga Interpoli
Publikuar:
(28.02.2022 17:43:23)
Britania do të kërkojë të pezullojë Rusinë nga organi ndërkombëtar i policisë Interpol, i tha parlamentit të hënën Sekretarja e Brendshme e Mbretërisë së Bashkuar, Priti Patel, raporton CNN.
“Qeveria ukrainase ka kërkuar sot që qeveria ruse të pezullohet nga anëtarësimi i saj në Interpol dhe ne do të drejtojmë të gjitha përpjekjet ndërkombëtare për këtë qëllim”, tha Patel.
Interpoli është një agjenci globale që ndihmon policinë në 195 vendet e saj anëtare për të bashkëpunuar në hetimet penale.
Kujtojmë që pas sulmeve ruse në Ukrainë, Rusia gjithashtu është përjashtuar pjesërisht nga SWIFT.