10 milionë njerëz janë detyruar të largohen nga shtëpitë e tyre në Ukrainë, thotë komisioneri i OKB-së

Lufta në Ukrainë

10 milionë njerëz janë detyruar të largohen nga shtëpitë e tyre në Ukrainë, tha të dielën Komisioneri i Lartë i OKB-së për Refugjatët, Filippo Grandi.

“Ndër përgjegjësitë e atyre që bëjnë luftë, kudo në botë, është vuajtja që u shkaktohet civilëve që detyrohen të ikin nga shtëpitë e tyre. Lufta në Ukrainë është aq shkatërruese saqë 10 milionë janë larguar – ose të zhvendosur brenda vendit, ose si refugjatë jashtë vendit”, shkroi Grandi në Twitter, raporton CNN.

Sipas shifrave të ofruara nga Organizata Ndërkombëtare për Migracionin (IOM) të premten, 6.48 milionë njerëz janë zhvendosur brenda vendit që nga 16 marsi.