Kurti: Marrëveshja me Serbinë të zbatohet plotësisht dhe menjëherë

Kryeministri i vendit, Albin Kurti ka shkruar për marrëveshjen që së fundmi Kosova e arrit me Serbinë, për përmbajtjen e së cilës u dakordua në Bruksel e për aneksin e zbatimit së fundi në Ohër.

Kurti ka shkruar se nuk duhet të ketë zbatim të pjesshëm të kësaj marrëveshja, por ajo duhet të zbatohet plotësisht dhe menjëherë.

“Ne i kaluam 2 vitet e fundit duke negociuar për një marrëveshje ligjërisht të detyrueshme ndërmjet Kosovës dhe Serbisë. Më 18 mars në Ohër, Përfaqësuesi i Lartë dhe Zëvendëspresidenti Borrell njoftoi zyrtarisht marrëveshjen. Ajo që është rënë dakord tani duhet të zbatohet – plotësisht dhe menjëherë. Asnjë zbatim i pjesshëm; pa vonesa”, ka shkruar Kurti në Twitter.

Ndryshe, Serbia vazhdimisht është shprehur se i ka vijat e kuqe për marrëveshjen me Kosovën dhe se nuk ka obligime karshi asaj marrëveshjeje.

We spent the last 2 years negotiating a legally binding agreement btw Kosova & Serbia. On March 18 in Ohër/Ohrid, EU HR/VP @JosepBorrellF officially announced the deal. What has been agreed upon must now be implemented—fully and immediately. No partial implementation; no delays.

— Albin Kurti (@albinkurti) April 16, 2023