Kosova dhe Mali i Zi nënshkruajnë memorandum bashkëpunimi
Sot gjatë ditës Kosova dhe Mali i Zi kanë nënshkruar memorandum bashkëpunimi.
Me këtë raste ministri i Mbrojtjes së Kosovës, Armend Mehaj tha se ky bashkëpunim thellon marrëdhëniet mes dy vendeve në shumë fusha.
Ai takimin me homologun e tij nga Mali i Zi, Rasko Konjeviq tha se ky takim ishte i nevojshëm.
“Takimi sot ka qenë shumë i frytshëm, kemi rikonfirmuar bashkëpunimin e fuqishëm që kemi në mes dy shteteve tona, siç nënshkruam edhe marrëveshjen bilaterale e cila rritë bashkëpunimin në shumë fusha, angazhime të përbashkëta edhe në aspektin ushtarak. Me këtë marrëveshje zgjerojmë bashkëpunimin në fushën e mbrojtjes që është i domosdoshëm në aspektin e sigurisë, stabilitetit, demokracisë në mes dy vendeve tona”, tha ai.
Mehaj ka theksuar synimin e Kosovës për anëtarësim sa më të shpejtë në NATO.
“Mali i Zi si shtet mik i yni, na mbështet në orientimin tonë në iniciativa rajonale, edhe drejt anëtarësimit të plotë në NATO. Na ka ofruar mbështetje në proces dhe realizimin e synimeve tona në anëtarësim në organizata rajonale. Paqja, siguria dhe stabiliteti rajonal është jetike sidomos për shtetet e Ballkanit, kjo është e ardhmja jonë e përbashkët euroatlantike”, ka thënë Mehaj.
Ai tutje shtoi se bashkëpunimi mes dy vendeve do të shtrihet në shkëmbimin e përvojave profesionale./SHQIP.com
