Khadia Brown shpallet MVP e xhiros së 13-të në Superligën e Femrave
Shqip
Gjatë fundjavës që lamë pas u zhvillua xhiro e 13-të në Superligën e Femrave.
Kryendeshja e kësaj xhiro ishte derbi mes KB Bashkimit dhe KB Prishtinës, ku vajzat portokalliezi triumfuan me rezultat 82-65.
Khadia Brown ishte më meritorja e kësaj ndeshje, e cila kontribuoi me 32 pikë, gjashtë kërcime dhe një asistim dhe me këto statistika shpallet MVP e kësaj xhiroje, shkruan Federata e Basketbollit e Kosovës, përcjell Shqip.com.
Brown ishte e saktë 2/8 për dy pikë dhe 8/14 për tri pikë.
Fitores së Bashkimit i kontribuoi edhe basketbollistja Arbnore Përquku me 15 pikë, tetë kërcime dhe 13 asistime.
Edhe pse Prishtina pësoi humbje në këtë përballje, Sarah Mgbeike pati paraqitje të shkëlqyeshme, duke realizuar 23 pikë, 15 kërcime dhe dy asistime.
Fitore regjistroi edhe Trepça ndaj Vëllaznimit me rezultat 84-58, ku më e mira te mitrovicaset ishte Marshanique Hall me 21 pikë, dhjetë kërcime dhe pesë asistime.
Fitore të lehtë arriti edhe Penza ndaj United Basketball me rezultat 76-32, ndërsa më e mira në këtë përballje ishte Saranda Daci me dhjetë pikë, 14 kërcime edhe dy asistime.
/Shqip.com
