Kaliforni: Tornado shkatërrues me zjarr për shkak të motit ekstrem

Një tornado zjarri është kapur në video në Tennant në Kaliforninë veriore.

Është një nga shenjat që tregon motin ekstrem që po kërcënon Shtetet e Bashkuara të Amerikës, me thatësirën dhe temperaturat e larta rekord.

Edhe pse e rrallë, fenomene të tilla janë parë edhe vitet e kaluara, shkruan BBC, transmeton Shqip.com.

Në vitin 2016 një i tillë pati ndodhur në Kalifornia dhe një tjetër në Missouri, më 2018 dy u krijuan sërish në Kalifornia. Në Kalifornia më 2018 një nga tornadot e zjarrit ishte 300 metra i gjerë dhe me temperaturën që arriti në 1480 gradë celsius. Në 2020 po ashtu pati tornado të tillë në Kaliforni.

Me rritjen e numrit të zjarreve në natyrë, ekspertët thonë se mund të presim edhe shtim të tornadove të zjarrit./Shqip.com