Instituti Hidrometeorologjik i Kosovës paralajmëron vërshime në disa zona të Kosovës

Për shkak të reshjeve të shiut që kanë kapluar pjesën më të madhe të vendit ditëve të fundit e të cilat pritet të vazhdojnë edhe gjatë ditës së sotme dhe nesërme, IHK-ja ka paralajmëruar vërshime në disa zona të Kosovës.

Sipas IHK-së, më të theksuara do të jenë nëpër disa pjesë të Kosovës, sidomos në Dukagjin (Gjakovë, Junik, Deçan, Pejë, Istog, Klinë, Malishevë, Rahovec), pastaj pjesa Veriore, qendrore, jugore edhe ajo lindore e vendit.

Po ashtu është bërë e ditur se këto reshje mund të krijojnë kushte për vërshime të shpejta, (efekti flash flood), të cilët mund të shkaktojnë vështirësi dhe probleme, sidomos tek rrjedhat lumore me karakter malorë në formë të rrëkeve të shpejta, duke shkaktuar rrëshqitje të dheut, mbyllje të sistemit të kanalizimeve dhe vështirësi në qarkullim.

Përmbledhje

Aliu: Ministria e Mjedisit është duke bërë hartat e rrezikshmërisë nga përmbytjet
Agjencia e Menaxhimit Emergjent: Situatë më e rënduar në rajonin e Dukagjinit
Komuna e Vushtrisë merr vendim për Ngritjen e Gatishmërisë Emergjente
Ganijaj: Jemi duke bërë ndërhyrjet e nevojshme  për kalimin e kësaj situate
Hidrodrini: Situata pas vërshimeve mbetet nën kontroll
Si pasojë e vërshimeve në Istog, nesër ndërpritet mësimi në disa shkolla
Pas vërshimeve, IKShPK me rekomandime për konsumimin e ujit
Hyseni: Komuna e Gjilanit ka ndërmarrë masa për evitimin e dëmeve nga vërshimet
Sveçla: Zona e Dukagjinit më shumë dëme nga vërshimet
Durmishi: Situata e krijuar nga vërshimet është e menaxhueshme
Si pasojë e vërshimeve, fshatrat në Vushtri pa ujë të pijshëm
Bulliqi: Gjendja në disa fshatra nuk është aq stabile
“Hidrodrini”, apel për qytetarët e Istogut, Klinës e Deçanit
Muhaxheri: Situata në Pejë pas vërshimeve është e menaxhueshme
Kastrati: Po bëjmë të pamundurën që rrugët të jenë të kalueshme në Malishevë
Hamza: Komuna ka mobilizuar të gjithë operatorët dhe ka ngritur kapacitetet e saj në tejkalimin e kësaj situate të rënduar
Ramosaj: Gjendje e rënduar në Deçan, ura e fshatit Vranoc i Vogël është e pakalushme
Ferati: Për momentin gjendja është e menagjueshme, rrugët janë të qarkullueshme
Mehaj: FSK si çdoherë, në secilën situatë emergjente, është e gatshme plotësisht
Maxhuni: Gjendja në qytetin e Mitrovicës është nën kontroll
Instituti Hidrometeorologjik i Kosovës paralajmëron vërshime në disa zona të Kosovës
Demaj: Gjendja në qytetin e Istogut është e vështirë, ekipet janë në teren që nga ora 5 e mëngjesit
Gashi: Gjendja në qytetin e Pejës pas vërshimeve është e qetë
Vërshime në Junik, nënkryetari i Komunës publikon pamje dhe bën thirrje për kujdes
Aliu: Ministria e Mjedisit është duke bërë hartat e rrezikshmërisë nga përmbytjet

Ministria e Mjedisit, Planifikimit Hapësinor dhe Infrastrukturës është duke bërë Hartat e Rrezikshmërisë nga Përmbytjet dhe hartimin e Planeve për Menaxhimin e Rrezikut nga Përmbytjet dhe Thatësirat.

Kjo është bërë e ditur nga ministri Liburn Aliu, i cila përmes një postimi në rrjetin social Facebook.

“Pas reshjeve të pa ndërprera dhe vërshimeve eventuale, zyrtarë nga Ministria e Mjedisit, Planifikimit Hapësinor dhe Infrastrukturës kanë dal në terren për të parë nga afër gjendjen e krijuar, me ç’rast janë vizituar rrjedhjet lumore në komunën e Rahovecit, dhe sipas analizës në terren, rezultateve nga stacionet hidrometeorologjike, inçizimeve dhe matjeve, gjendja e rrezikshmërisë nga vërshimet në këtë zonë nuk është alarmante”, thuhet në njoftim.

Sipas Aliut, Hartat e Rrezikshmërisë nga Përmbytjet, po bëhen në mënyrë që në situata të tilla vendi të jetë më i përgatitur, dhe të përmirësojë kapacitetet parandaluese dhe reaguese.

Po ashtu, Aliu ka njoftuar se të hënën do të vizitojë komunën e Pejës, Mitrovicës e Istogut.

Agjencia e Menaxhimit Emergjent: Situatë më e rënduar në rajonin e Dukagjinit

Agjencia e Menaxhimit Emergjent, ka njoftuar se si pasojë e vërshimeve ka ngritur nivelin e gatishmërisë emergjente.

Sipas AME, situata është më e rënduar në rajonin e Dukagjinit.

“Mbështetur në të dhënat nga QOE-112 dhe Drejtorit Komunale për Mbrojtje dhe Shpëtim , situata më e renduar paraqitet në rajonin e Dukagjinit, ku kemi dëmi të ndryshme nga vërshimet. Situata është duke u menaxhuar dhe është në monitorim të vazhdueshëm nga Qendrat Operative Emergjente të AME-se”, thuhet në njoftim.

Po ashtu, sipas njoftimit, të vërshuara nga reshjet atmosferike me intensitet më te ulët, janë edhe regjionet tjera të cilat janë nën menaxhim dhe në monitorim nga QOE-112.

“Në bazë të vlerësimit dhe në koordinim të ngushtë me Drejtorit komunal përkatëse (Drejtoria për Mbrojtje dhe Shpëtim ), AME-ja ka ngrit nivelin e gatishmërisë si në vijim: Ngritja e gatishmërisë emergjente të QOE – 112 në tërë Kosovën”, thuhet tutje në njoftim.

Përballë kësaj situate të krijuar nga të reshurat atmosferike, AME, bëri thirje ndaj qytetarëve për kujdes dhe vigjilencë të shtuar.

Komuna e Vushtrisë merr vendim për Ngritjen e Gatishmërisë Emergjente

Vërshimet si pasojë e reshjeve të shumta, kanë shkaktuar vështirësi edhe në Komunën e Vushtrrisë.

Kryetari i Komunës, Ferit Idrizi, për të përballuar situatën e krijuar nga vërshimet ka nxjerrë vendim për ngritjen e gatishmërisë emergjente.

“Për të përballuar situatën emergjente në të cilën ndodhemi, kam nxjerr vendim për: Ngritjen e Gatishmërisë Emergjente dhe vendim për formim të Shtabit për Gatishmërinë Emergjente”, ka shkruar Idrizi në Facebook.

Në vendim kërkohet nga Kryetarët e fshatrave dhe lagjeve urbane të rrezikuara nga vërshimet, që të jenë vigjilent dhe të përcjellin situatën në terren, për të ndërmarrë masa të duhura për tejkalimin e situatës.

Po ashtu sipas vendimit, u bëhet thirrje bizneseve që në rast nevoje të marrin masa për evakuim të familjarëve, të mirave materiale si dhe vendosjen e tyre në vende të sigurta.

Vendimi ka hyrë në fuqi të dielën

Ganijaj: Jemi duke bërë ndërhyrjet e nevojshme  për kalimin e kësaj situate

Vërshimet e shkaktuara nga reshjet e mëdha të shiut në vend, kanë shkaktuar vështirësi në disa komuna.

Drejtori për Shërbime Publike, Inspeksion, Mbrojtje dhe Shpëtim, Demokrat Ganijaj, ka njoftuar se në Komunën e Junikut situata është nën kontroll.

“Si pasojë e reshjeve te mëdha qe kishim mbrëmë dhe sot gjatë ditës patëm vërshime ne disa lagje të komunës sonë, dëmtimin në disa pjese te shtratit te Lumit Erenik si dhe shëmbje dhe rrëshqitje të dheut për gjatë rrugës Junik-Gjeravice. Jemi në teren që nga orët e hershme të mëngjesit duke  bërë ndërhyrjet e nevojshme  për kalimin e kësaj situate”, ka shkruar ai.

Ai tha se të gjitha rrugët janë të qarkullueshme përveç asaj në drejtim te Gjeravicës.

Hidrodrini: Situata pas vërshimeve mbetet nën kontroll

Si pasojë e vërshimeve të shkaktuara nga reshjet e mëdha të shiut, Kompania Rajonale e Ujësjellësit dhe Kanalizimit “Hidrodrini”, po përcjell nga afër situatën e krijuar.

‘Hidrodrini’, ka njoftuar se është në mbikëqyrje në komunat Pejë, Istog, Deçan, Klinë dhe Junik.

“Në të gjitha burimet ka klorinim të nevojshëm dhe vëzhgim të gjendjes pandërprerë. Në përditësimin e mbrëmjes, konstatohet se situata mbetet nën kontroll, mirëpo bëhet thirrje sërish, që të gjithë konsumatorët të cilët vërejnë turbullira të ujit, mos ta konsumojnë për pije pa e vluar”, thuhet në njoftim.

Sipas “Hidrodrini-it” thirrja vlen posaçërisht për zonën e Istogut, Deçanit dhe Klinës.

Gjatë këtyre 24 orëve, ekipet e kompanisë kanë kryer dhjetëra intervenime të lirimin e pusetave dhe kanalizimeve nëpër zonat e prekura që janë nën kompetencën e kompanisë.

Si pasojë e vërshimeve në Istog, nesër ndërpritet mësimi në disa shkolla

Si pasojë e vërshimeve të shkaktuara nga reshjet e mëdha të shiut, Komuna e Istogut ka njoftuar se nuk do të mbahet mësim të hënën në disa shkolla.

“Pas reshjeve të mëdha të shiut në Komunën e Istogut, është vështirësuar qarkullimi dhe për shkak të rrezikut që paraqet kalimi i nxënësve në ato rrugë ndërprehët mësimi për ditën e nesërme me 21.11.2022 në këto shkolla: Gjimnazi “Haxhi Zeka” Istog, SHFMU “Bajram Curri” në Istog, Kopshti i Fëmijëve “Gëzimi Ynë” në Istog dhe SHFMU “Ndre Mjeda” në Rakosh”, thuhet në njoftim.

Reshjet e mëdha të shiut kanë shkaktuar vërshime edhe në Pejë, Podujevë, Malishevë, Mitrovicë, Vushtri, Skenderaj.

Pas vërshimeve, IKShPK me rekomandime për konsumimin e ujit

Instituti Kombëtar i Shëndetësisë Publike të Kosovës (IKShPK) ka njoftuar se pas situatës të krijuar nga vërshimet, në bashkëpunim me Qendrën Rajonale të Shëndetit Publik në Pejë(QRSHP), janë në monitorim të vazhdueshëm.

Sipas njoftimit, IKShP dhe QRShP janë në bashkëveprim dhe në kontakt të vazhdueshëm edhe me Kompaninë Rajonale të Ujësjellësit ‘Hidrodrini’ në Pejë

“Bazuar në të dhënat e inspektimit nga tereni, vërehet turbullirë e shtuar e ujit dhe atë kryesisht në rajonin e Deçanit, Klinës dhe Istogut”, thuhet në njoftim.

IKShPK, rekomandon që uji para përdorimit të vlohet si dhe të konsumohet uji për pije nga resurset e sigurta ose uji i ambalazhuar.

Hyseni: Komuna e Gjilanit ka ndërmarrë masa për evitimin e dëmeve nga vërshimet

Kryetari i Komunës së Gjilanit, Alban Hyseni, ka njoftuar se komuna ka ndërmarrë masat e nevojshme për evitimin e dëmeve të shkaktuara nga vërshimet.

Përmes një postimi në Facebook, ai ka shkruar se preventiva e kujdesi evitojnë vërshimet.

“Në kohën kur një pjesë e madhe e vendit po përballet me vërshime, si institucione kemi ndërmarrë masat e nevojshme për evitimin e dëmeve të shkaktuara nga to. Në verën e këtij viti kemi pastruar shtretërit e lumenjve dhe pikat që kanë paraqitur rreziqe. Ndërkohë edhe sot, gjatë gjithë ditës, ishim në terren për të ndërmarrë veprime parandaluese që këtë situatë ta kalojmë sa më lehtë dhe me sa më pak dëme”, ka shkruar ai.

Alban Hyseni, kryetar i komunës së Gjilanit

Tutje, ai u ka bërë thirrje qytetarëve që për çdo vështirësi të kontaktonjnë Qendrat Operative Emergjente.

Vërshime të mëdha të pasur në Pejë, Istog, Skenderaj, Podujevë, Mitrovicë e Malishevë.

Sveçla: Zona e Dukagjinit më shumë dëme nga vërshimet

eshjet e mëdha të shiut kanë shkaktuar vërshime në pothuajse shumë komuna të Kosovës.

Ministri i Punëve të Brendshme, Xhelal Sveçla, ka njoftuar se zona e Dukagjinit ka pësuar më shumë dëme nga vërshimet.

“Sapo kam pranuar raportin nga Agjencia e Menaxhimit të Emergjencave rreth gjendjes së krijuar me ç ‘rast konfirmohet se në zonën e Dukagjinit kemi dëme të ndryshme nga vërshimet”, thuhet në njoftim.

Sipas Sveçlës, situata është duke u menaxhuar dhe është në monitorim të vazhdueshëm nga Qendrat Emergjente në të gjitha komunat.

Durmishi: Situata e krijuar nga vërshimet është e menaxhueshme

Reshjet e të dielës kanë shkaktuar vërshime të mëdha në shumë qytete të Kosovës.

Zëvendësministri i Infrastrukturës, Hysen Durmishi, ka njoftuar se situata e krijuar është e menaxhueshme.

“Situata e krijuar me vërshimet është e menaxhueshme. Jemi të gjithë në teren institucione lokale e qendrore. Po bëjmë gjithçka që është e mundur që ta kalojmë me sa më pak dëme”, ka shkruar ai në Facebook.

Vërshime të mëdha ka pasur në Komunën e Pejës, Istogut, Skenderajt, Malishevës , Mitrovicës e Podujevës.

Si pasojë e vërshimeve, fshatrat në Vushtri pa ujë të pijshëm

Reshjet e mëdha të shiut kanë lënë pa ujë të pijshëm disa fshatra në Vushtri.

Sipas njoftimit të Kompanisë Rajonale të Ujësjellësit “Mitrovica”, është dëmtuar gypi kryesor furnizues.

“Si pasojë e dëmtimit të gypit kryesor furnizues, pa ujë të pijes kanë mbetur fshatrat: Nedakoc, Sfaraqak, Pestovë, Novosellë, Lum i Madh, Stanofc  Epërm  dhe Stanofc i Ulët”, thuhet në njoftim.

Ndërkaq, sipas njoftimit, riparimi i gypit të dëmtuar parashihet të filloj nesër në mëngjes si dhe pritet që deri në orët e pasdites të rikthehet furnizim me ujë të pijes për këto fshatra.

Bulliqi: Gjendja në disa fshatra nuk është aq stabile

Kryetari i Komunës së Podujevës, Shpejtim Bulliqi, ka njoftuar se reshjet e pandërprera po e vështirësojnë situatën në disa fshatra.

Ai përmes një postimi në rrjetin social Facevook tha se në fshatrat: Dobërdol, Bajçinë, Peran, Metehi, Pakashticë dhe Murgull, është rritur niveli i ujit për shkak të daljes nga shtretërit e lumenjve si pasojë e reshjeve të mëdha të shiut gjatë orëve të fundit.

“Gjendja e përgjithshme në disa fshatra nuk është aq stabile, e shiu i pandërprerë po e vështirëson menaxhimin e situatës. Ekipet emergjente nga mbrëmë janë në teren dhe me angazhim maksimal po punojnë të evitojnë e minimizojnë dëmet që mund të shkaktohen nga vërshimet”, thuhet në njoftim.

Tutje Bulliqi, apeloj qytetarët të bashkëpunojnë me ekipet emergjente institucionale në mënyrë që të tejkalohet situata nga vërshimet pa dëme.

“Hidrodrini”, apel për qytetarët e Istogut, Klinës e Deçanit

Kompania Rajonale e Ujësjellësit dhe Kanalizimit në Pejë, “Hidrodrini”, ka njoftuar se po përcjell situatën e krijuar dhe gjendjen e burimeve, si pasojë e reshjeve që po vazhdojnë.

“Hidrodrini”, ka bërë apel ndaj qytetarëvë, që të kenë kujdes në konsumimin e ujit nëse vërejnë turbullira.

“Bëhet thirrje që të gjithë konsumatorët të cilët vërejnë turbullira të uji, mos ta konsumojnë për pije pa e vluar. Në bazë të raporteve nga terreni thirrja  vlen posaçërisht për zonën e Istogut, Deçanit dhe Klinës”, thuhet në njoftim.

Ndërkaq, Kryetari i Komunës së Pejës, Gazmend Muhaxheri, ka njoftuar se situata në Pejë është e menaxhueshme.

Vërshime edhe në Skenderaj, gjëndja më e rëndë në këto fshatra

Reshjet e shiut që filluan mbrëmjen e së shtunës kaluar kanë shkaktuar vërshime edhe në qytetin e Skenderajt.

Sipas njoftimit, nga Komuna e Skenderajt, gjendja më e rëndë ishte në fshatrat Llaushë, Tushilë dhe Kllodernicë.

“Qysh në orët e hershme të mëngjesit, kryetari i Komunës Fadil Nura bashkë me drejtorin e Shërbimeve Publike, Alban Shala dhe me shërbimin e emergjencave dhe zjarrfikësit, kanë dalë në terren, për të parë nga afër gjendjen dhe situatën e krijuar”, thuhet në njoftim.

Po ashtu sipas njoftimit, reshjet kanë ulur intensitetin, ndërkohë që gjendja duket të jetë nën kontrollë.

Muhaxheri: Situata në Pejë pas vërshimeve është e menaxhueshme

Kryetari i Komunës së Pejës, Gazmend Muhaxheri, ka njoftuar se situata në Pejë pas vërshimeve është e menaxhueshme.

Ai përmes një postimi në rrjetin social në Facebook, tha se ekipet kompetente janë në gjendje gatishmërie, për të përmirësuar situatën.

“Reshjet e mëdha atmosferike nga nata e mbrëmshme shkaktuan vërshime në disa zona të qytetit të Pejës. Megjithatë, situata aktualisht është e menaxhueshme dhe ekipet tona janë në gjendje gatishmërie”, thuhet në njoftim.,

Vërshime të mëdha ka pasur gjithashtu në Istog, Mitrovicë, Malishevë, Skenderaj.

Kastrati: Po bëjmë të pamundurën që rrugët të jenë të kalueshme në Malishevë

Kryetari i Komunës së Malishevës, Ekrem Kastrati, pas vërshimeve që ndodhën gjatë ditës së diel në vend, ka dal në terren për të parë nga afër gjendjen me të cilën po përballet qytetarët pas reshjeve të shumta të shiut.

Kastrati, përmes një postimi në rrjetin social Facebook, ka njoftuar se po bëjnë të pamundurën që rrugët të jenë të kalueshme.

“Mirënjohje pa fund për bashkëpunëtorët e qeverisjes sonë komunale, trupat emergjente, institucionet shëndetësore, policinë këtu në Malishevë, operatorët ekonomikë dhe gjithë vullnetarët që po bëjnë të pa mundurën që akset rrugore të jenë të kalueshme dhe qytetarët të marrin shërbimet e nevojshme”, ka shkruar ai.

Vërshime të mëdha ka pasur gjithashtu në Pejë, Istog, Mitrovicë.

Hamza: Komuna ka mobilizuar të gjithë operatorët dhe ka ngritur kapacitetet e saj në tejkalimin e kësaj situate të rënduar

Kryetari i Komunës së Mitrovicës, Bedri Hamza ka dal në teren për të parë nga afër gjendjen me të cilën po përballet qytetarët e Mitrovicës pas reshjeve të shumta të shiut.

Hamza nga tereni ka bërë të ditur se Komuna ka mobilizuar të gjithë operatorët dhe ka ngritur kapacitetet e saj në tejkalimin e kësaj situate të rënduar.

“Brenda kapaciteteve tona jemi duke i marrë të gjitha masat e nevojshme, kemi mobilizuar të gjithë operatorët e nevojshëm dhe së bashku me ta jemi në terren. Reshjet e dendura kanë bërë që niveli i ujit në lumenjët e qytetit të Mitrovicës të rritet dhe kjo ka shkaktuar një situatë serioze prandaj jemi duke e vëzhguar situatën nga afër”, është shprehur kryetari Hamza.

Pos Mitovicës me reshje dhe vërshime të mëdha janë përballur edhe qytete tjera si në Junik, Pejë, Deçan dhe Istog.

Ramosaj: Gjendje e rënduar në Deçan, ura e fshatit Vranoc i Vogël është e pakalushme

Pas reshjeve të shumta të shiut, edhe Komuna e Deçanit është përballur më vërshime të mëdha.

Lidhur më këtë gjendje, Kryetari i Komunës së Deçanit, Bashkim Ramosaj ka bërë të ditur se gjendja në Deçan është e rënduar.

“Si pasojë e reshjeve të mëdha të shiut është gjendje e rënduar në disa vendbanime të komunës së Deçanit, ku janë shkatuar vërshime, prandaj ju lutem të keni kujdes në rast të qarkullimit nëpër fshatin Baballoq, ndërsa ura në fshatin Vranoc të Vogël është e pakalushme për shkak të dëmtimeve të mëdha” ka bërë të ditur Ramosaj.

Më tutje Ramosaj ka bërë të ditur se Komuna e Deçanit do të bëjë të pamundurën që t’ju ofrojë ndihmën e duhur gjithë qytetarëve të saj deri në kalimin e kësaj situate emergjente.

Ferati: Për momentin gjendja është e menagjueshme, rrugët janë të qarkullueshme

Kryetari i Komunës së Istogut, Ilir Ferati ka thënë se në qytetin e Istogut është e menagjushme dhe rrugët janë në qarkullim.

“Reshjet mëdha qe pasuan natën e mbrëmshme, si dhe sot gjatë ditës shkaktuan vërshime në shumë zona si në: Qytetin e Istogut, Vrellë, Studenicë, Orroberdë, Kaliqan, Baicë, Lluga/Llukafc, Tomoc, Prigodë, Drejë, Shushicë, Kërrninë. Për momentin gjendja është e menagjueshme, rrugët janë të qarkullueshme, dëme ka të konsiderueshme në ekonomitë familjare, biznese, në bujqësi” ka bërë të ditur Ferati.

Më tutje i pari i komunës së Istogut ka bërë të ditur se ditëve në vijim, komisionet do të dalin ne teren që të bëjnë vlerësimin e dëmeve të shkaktuara.

Për shkak të reshjeve të shiut që kanë kapluar pjesën më të madhe të vendit ditëve të fundit e të cilat pritet të vazhdojnë edhe gjatë ditës së sotme dhe nesërme, IHK-ja ka paralajmëruar vërshime në disa zona të Kosovës.

Sipas IHK-së, më të theksuara do të jenë nëpër disa pjesë të Kosovës, sidomos në Dukagjin (Gjakovë, Junik, Deçan, Pejë, Istog, Klinë, Malishevë, Rahovec), pastaj pjesa Veriore, qendrore, jugore edhe ajo lindore e vendit.

Mehaj: FSK si çdoherë, në secilën situatë emergjente, është e gatshme plotësisht

Ministri i Mbrojtjes, Armend Mehaj ka bërë të ditur se Forca e Sigurisë së Kosovës është e gatshme për secilën situtatë emergjente.

“Pas reshjeve të mëdha që shkaktuan edhe vërshime në shumë pjesë të vendit, autoritetet tona zyrtare janë duke e monitoruar pandërprerë situatën në terren.FSK si çdoherë, në secilën situatë emergjente, është e gatshme plotësisht, me të gjitha kapacitetet e saj në dispozicion, që të realizoj detyrën ligjore të mbështetjes ushtarake të autoriteteve civile dhe qytetarëve tanë pa dallim” ka bërë të ditur Mehaj.

Reshjet e shumta të shiut kanë shkaktuar vërshime në shumë zona të Kosovës.

Nga reshjet e shiut kanë pësuar qytetet si Juniku, Istogu, Mitrovica, dhe Peja.

Maxhuni: Gjendja në qytetin e Mitrovicës është nën kontroll

Gjendja në qytetin e Mitrovicës pas reshjeve të shumta të shiut është nën kontroll.

Kështu ka deklaruar për Shqip.com, Drejtori i Emergjenca në këtë komunë, Bahtir Maxhuni.

“Në orët e hershme të mëngjesit, në ora 7 kanë filluar përmbytjet në disa zona të Mitrovicës. Momentalisht gjendja nën kontroll dhe reshjet e shiut po vazhdojnë, operatorët janë në teren për tu ndihmuar qytetarët në teren” ka thënë Maxhuni.

Reshjet e shiut kanë shkaktuar vërshime edhe në qytetin e Pejës, Junikut, dhe Istogut.

Instituti Hidrometeorologjik i Kosovës paralajmëron vërshime në disa zona të Kosovës

Për shkak të reshjeve të shiut që kanë kapluar pjesën më të madhe të vendit ditëve të fundit e të cilat pritet të vazhdojnë edhe gjatë ditës së sotme dhe nesërme, IHK-ja ka paralajmëruar vërshime në disa zona të Kosovës.

Sipas IHK-së, më të theksuara do të jenë nëpër disa pjesë të Kosovës, sidomos në Dukagjin (Gjakovë, Junik, Deçan, Pejë, Istog, Klinë, Malishevë, Rahovec), pastaj pjesa Veriore, qendrore, jugore edhe ajo lindore e vendit.

Po ashtu është bërë e ditur se këto reshje mund të krijojnë kushte për vërshime të shpejta, (efekti flash flood), të cilët mund të shkaktojnë vështirësi dhe probleme, sidomos tek rrjedhat lumore me karakter malorë në formë të rrëkeve të shpejta, duke shkaktuar rrëshqitje të dheut, mbyllje të sistemit të kanalizimeve dhe vështirësi në qarkullim.

Demaj: Gjendja në qytetin e Istogut është e vështirë, ekipet janë në teren që nga ora 5 e mëngjesit

Pas Junikut dhe Pejës, reshjet e shiut kanë bërë që në Komunën e Istogut të ketë vërshime.

Drejtori për Emergjenca, Mbrojtje dhe Shpëtim në këtë Komunë, Xhevat Demaj për Shqip.com ka deklaruar se gjendja është e vështirë por që ekipet janë në teren për tu ofruar ndihmë qytetarëve.

“Gjendja është e vështirë, më e vështirë është në qendër të Istogut, ekipet tona janë në teren që nga ora 5:00 e mëngjesit” ka thënë Demaj për Shqip.com

Për shkak të reshjeve të shiut që kanë kapluar pjesën më të madhe të vendit ditëve të fundit e të cilat pritet të vazhdojnë edhe gjatë ditës së sotme dhe nesërme, IHK-ja ka paralajmëruar vërshime në disa zona të Kosovës.

Sipas IHK-së, më të theksuara do të jenë nëpër disa pjesë të Kosovës, sidomos në Dukagjin (Gjakovë, Junik, Deçan, Pejë, Istog, Klinë, Malishevë, Rahovec), pastaj pjesa Veriore, qendrore, jugore edhe ajo lindore e vendit.

Gashi: Gjendja në qytetin e Pejës pas vërshimeve është e qetë

Disa zona të Kosovës gjatë ditës së sotme janë përballur më vërshime për shkak të reshjeve të shumta të shiut.

Pas Junikut edhe qyteti i Pejës, është përballur me vërshime të mëdha.

Lajmin për Shqip.com e ka konfirmuar drejtori për Mbrojte dhe Shpëtim nga kjo komunë, Gëzim Gashi.

Gashi ka thënë se gjendja në qytetin e Pejës për momentin është e qetë.

“Situata është në kontroll për momentin. Po shpresojmë që edhe reshjet e shiut të ndalen” ka thënë fillimisht Gashi.

Më tutje ai tha se ekipet e komunës së bashku me ekipin e zjarrfikësve kanë dalë në vendin e ngjarjes dhe janë duke intervenuar dhe ndihmuar banorët.

Vërshime në Junik, nënkryetari i Komunës publikon pamje dhe bën thirrje për kujdes

Nënkryetari i Komunës së Junikut, Besart Tofaj, ka publikuar pamje nga vërshimet që kanë kapluar qytetin e Junikut.

Më tutje Tofaj ka bërë apel tek qytetarët që të kenë kujdes.

“Ju lutemi për kujdes të shtuar për shkak të reshurave të dendura të shiut që kanë përfshirë Komunën tonë, e që ka bërë që niveli i ujit në Lumin Erenik të rritet e që pastaj rrezikon edhe të dal nga shtrati. Krahas thirrjes për kujdes ju lutemi që në rast të ndonjë emergjence të lajmëroni Zjarrfiksat (193) apo edhe Policinë e Kosovës (192)” ka bërë të ditur Tofaj.

Më tutje Tofaj ka bërë të ditur se kjo gjendje mund të vazhdoj edhe në ditën në vijim sepse sipas IHMK-së, zonat më të rrezikuara nga vërshimet janë në Dukagjin, qytetet Gjakovë, Junik, Deçan, Pejë, Istog, Klinë, Malishevë dhe Rahovec.