Haradinaj: Të nis dialogu për t’i kthyer serbët në institucione

Kryetari i Aleancës për Ardhmëri të Kosovës, Ramush Haradinaj, ka kërkuar që të nis dialogu për t’i kthyer serbët në institucione.

Në seancën e Kuvendit, Haradinaj kërkoj që krerët e shtetit të nisin dialogun me serbët e Kosovës.

Tutje, Haradinaj tha se Qeveria duhet të marrë vendimin për shtyrjen e vendimit për targat deri në marrëveshje finale.

Po ashtu, rezoluta e prezantuar nga Haradinaj, përfshinë edhe kërkesën që Shtetet Bashkuara të Amerikës të përfshihen në dialog deri në arritjen e një marrëveshjeje në mes Kosovës dhe Serbisë.