Haradinaj: Qeveria totalisht e paaftë

Kryetari i Aleancës për Ardhmërinë e Kosovës, Ramush Haradinaj, ka reaguar sërish për situatën në komunat veriore.

Me këtë rast ai ka adresuar kritika ndaj Qeverisë së Kosovës.

“Zhvillimet e sotme në veri na e vërtetuan sa vijon: Institucionet e sigurisë, të afta për punën e tyre ligjore; Qeveria, totalisht e paaftë për mbrojtjen e interesit shtetëror të Kosovës. Kryeministri i Kosovës nga ana e tij, të jetë maksimalisht i kujdesshëm dhe të mos ndërmarrë veprime të pakoordinuara me partnerët ndërkombëtarë”, ka shkruar Haradinaj.