Guardiola: City nuk më punësoi për të fituar Ligën e Kampionëve
Shqip
Trajneri spanjoll, Pep Guardiola, nuk ka arritur të realizojë ëndrrën e klubit për të fituar titullin evropian në gjashtë vitet e tij në Angli.
Guardiola thotë se ai nuk u punësua nga Manchester City me të vetmin qëllim për të fituar Ligën e Kampionëve.
“Sezonin e kaluar, ne humbëm Ligën e Kampionëve. Ishin 13 ndeshje. Ne fituam 11, barazuam një dhe humbëm një. Nëse humbëm Champions League, a ishte një sezon i keq i Champions League? Absolutisht jo. Këtë sezon ne ishim përsëri në gjysmëfinale të Champions League. Ne duam të fitojmë Champions League, sigurisht. Por kur më telefonuan nuk më thanë se duhej të fitonim Ligën e Kampionëve, madje as Premier League”, tha ai për Sky Sports.
City ishte disa minuta larg arritjes së një finaleje të dytë radhazi të Ligës së Kampionëve pasi kishte një epërsi totale 5-3 kundër Real Madridit në gjysmëfinale të mërkurën.
Por dy gola nga Rodrygo e dërgoi ndeshjen në kohën shtesë përpara se Karim Benzema të kthente një penallti për ta dërguar skuadrën spanjolle në finale.
City, i cili humbi nga Chelsea në finale vitin e kaluar, është i vendosur të pretendojë trofeun evropian – por Guardiola thotë se puna e tij nuk varet nga fitimi i kompeticionit./Shqip.com
