Google Messages vjen me përditësimin e shumëpritur

Google ka filluar të lejojë disa përdorues të aplikacionit “Messages” të reagojnë ndaj mesazheve me tekst me çdo emoji.

Deri më tani, reagimet ishin të kufizuara në vetëm shtatë emoji.

Funksioni është i ngjashëm me atë që kanë platformat e tjera të mesazheve si Slack, WhatsApp dhe versionet me pagesë të Telegram.

Ashtu si me çdo veçori që shtohet në shërbimet e mesazheve, reagimet shtesë mund të jenë pak të çrregullta në varësi të kujt po i dërgoni mesazhe dhe çfarë standardesh komunikimi mbështet telefoni i tyre.

Duket se funksionojnë mirë nëse të dyja palët përdorin RCS, zëvendësimin e SMS -ve për të cilin Google ka kërkuar.

Nuk është çudi që reagimet nuk përkthehen në iPhone. Së pari, sistemi Tapback i Apple ju lejon të përdorni vetëm një grup specifik simbolesh.