Lajme

Goditet me sende të forta avokati i Sali Berishës, Sokol Mëngjesi. Autorët ishin tre persona

Dhunohet me sende të forta avokati i ish-kryeministrit Sali Berisha, Sokol Mëngjesi. Ngjarja ka ndodhur mëngjesin e sotëm në zonën e ish-Bllokut, aty ku avokati ka shtëpinë.

Tre besohet të kenë qenë autorët e sulmit ndaj avokatit.

Tre autorët, të cilët ende nuk janë identifikuar i kanë zënë pritë Mëngjesit pranë një kopshti, ku avokati kishte dërguar të birin dhe e kanë goditur me grushte e sende të forta në fytyrë dhe trup.

Policia ka sekuestruar kamerat e sigurisë në zonë për të bërë të mundur identifikimin e autorëve.

Mëngjesi ende nuk ka dhënë deklarimet e tij, ndërsa po bën të gjitha ekzaminimet në spital.

Mësohet se ai ka fraktura në kokë dhe dertime në trup, por për momentin është në urgjencë në gjendje të stabilizuar.

Sakaq, policia ka marrë në pyetje të gjithë qytetarët që janë bërë dëshmitarë të ngjarjes së rëndë, që ndodhi në një zonë të populluar.

/Shqip.com