Formula 1 po heton abuzimin e tifozëve në GP e Austrisë
Shqip
Drejtuesit e Formula 1 kanë nisur një hetim mbi raportimet e tifozëve që i janë nënshtruar abuzimeve “plotësisht të papranueshme” në Grand Prixin të Austrisë, ndërsa Lewis Hamilton ka thënë se është “i neveritur dhe i zhgënjyer”.
Një numër akuzash janë shfaqur në rrjetet sociale nga njerëzit që morën pjesë në garën e kësaj fundjave në Red Bull Ring në Spielberg, shkruan Sky Sports.
Në një deklaratë nga F1 thuhej:
“Ne jemi vënë në dijeni të raporteve se disa tifozë kanë qenë subjekt i komenteve krejtësisht të papranueshme nga të tjerët në Çmimin e Madh të Austrisë. Ne i marrim këto çështje shumë seriozisht, i kemi ngritur ato me promotorin dhe sigurinë e ngjarjes dhe do të flasim me ata që raportuan incidentet. Kjo lloj sjelljeje është e papranueshme dhe nuk do të tolerohet.”
Lewis Hamilton postoi në tregimet e tij në Instagram:
“I neveritur dhe i zhgënjyer kur dëgjova se disa tifozë po përballen me sjellje raciste, homofobike dhe përgjithësisht abuzive në qark këtë fundjavë”.
Gjashtëdhjetë mijë tifozë kanë udhëtuar nga Holanda për ta kthyer garën e kësaj fundjave në një ngjarje në shtëpi për Max Verstappen./Shqip.com
